.jpg)
Bakı. Ləman Zeynalova - Trend:
Azərbaycan qazı Monteneqronun iqtisadi təhlükəsizliyi üçün böyük əhəmiyyət kəsb edir.
Trend-in məlumatına görə, bunu Monteneqronun iqtisadiyyat naziri Dragitsa Sekuliç deyib.
D.Sekuliçin sözlərinə görə, Monteneqronun SOCAR-la əməkdaşlığına maraq qazlaşdırılma və İoni-Adriatik qaz kəməri layihəsinin reallaşdırılmasında cəmlənib:
“Cənub Qaz Dəhlizi”nin tərkib hissəsi olan bu layihələr Monteneqronun iqtisadi təhlükəsizliyi üçün böyük əhəmiyyət kəsb edir”.
Nazir qeyd edib ki, Monteneqronun əsas məqsədi ölkənin enerji təminatının şaxələndirilməsi, eləcə də təhlükəsizlik və etibarlılığının yüksəldilməsidir.