Cari ilin sentyabrından Azərbaycanla İranın enerji sisteminin birləşdirəcək və uzunluğu 350 km olan yeni elektrik ötürücü xəttinin (EÖX) çəkilməsi üzrə təmir -quraşdırma işlərinə başlanılacaq.
Trend in məlumatına görə, bu barədə Azərenerji Səhmdar Cəmiyyətinin (SC) mətbuat xidmətinə İranın Azərbaycandakı səfiri Əfşar Süleymani məlumat verib.
İran tərəfdən göstərilən EÖX tikintisində SUNIR enerji şirkəti, Azərbaycan tərəfdən isə Azərenerji işləyəcək.
Yüksək gərginlikli elektrik enerjisi xəttinin layihəsi çərçivəsində İmişli-Əlibayramlı elektrik stansiyası, Əli Bayramlı Elektrik stansiyası- Salyan, Salyan-Masallı, Masallı-Astara, yeni 220 kilovoltluq "Salyan" yarımstansiyası, eləcə də "İmişli" , "Masallı" sistem yarımstansiyalarının əsaslı və qismən təmiri və s. nəzərdə tutulub. Kredit ayrılması üzrə 75 milyon dollarlıq müqavilə 2005-ci ilin aprel ayının 22-də Bakıda imzalanıb. Yuxarıda göstərilən layihə üzrə İranın "Eksprot" bankı tərəfindən kreditin ayrılması barədə razılaşma isə 2004-cü ilin avqustunda Tehranda imzalanıb.