İtaliyanın FİAT firması Azərenerji SC tərəfindən Naxçıvan Muxtar Respublikasının elektrik enerjisi ilə təmin olunması ilə bağlı problemlərinin həllinə cəlb olunub. Bu barədə Trend ə SC-nin mətbuat xidmətindən bildirilib.
Hazırda NMR elektrik enerjisini Türkiyə və İrandan alır (40-50 MVt həcmində). NMR-də fəaliyyət göstərən yeganə enerji obyekti "Araz" SES orta hesabla 20 MVt enerji istehsal edir. 2006-cı ildə Azərenerji SC NMR-də 140 MVt gücündə əlavə obyektləri istismara verəcək.
NMR-də 1992-ci ildə Türkiyədən alınmış 16 MVt gücündə 4 generator fəaliyyət göstərir. Bir neçə ildən sonra isə bu generatorlar solyar yağının olmaması ilə əlaqədar işləməyib.
Lakin İtaliya firmasının köməyi ilə onlar qazla işləyəcək. Cari ilin sonuna İran-Azərbaycan qaz kəmərinin istismara verilməsi gözlənilir. 2006-cı ilin əvvəlindən etibarən bu generatorlar da istismara veriləcək.
2006-cı ildə NMR-də 90 MVt gücündə modul elektrik stansiyasının inşası nəzərdə tutulub. Qışda elektrik enerjisinə olan tələbat 250 MVt təşkil edir. Lakin sabit qaz tədarükü nəticəsində bu göstərici cari ildə aşağı düşə bilər.