Azərbaycanın Ekologiya və Təbii ehtiyatlar Nazirliyi Azərbaycanın qurudakı "Cənub-Qərbi Qobustan" yatağının işlənməsi ilə məşğul olan Gobustan Operating Company-nin təmizlədiyi ərazini qəbul edib.
Neft-qaz əməliyyatları zamanı çirklənmih ərazi standartlara müvafiq təmizlənib və əvvəlki ekoloji vəziyyəti bərpa olunub. "Hazırda bizim Gobustan Operating Company-yə qarşı heç bir iddiamız yoxdur", - deyə Nazirliyin nümayəndəsi bildirib.
Ekologiya Nazirliyi ilə ƏŞ arasındakı məhkəmə araşdırması 2 ilə yaxın davam edib. Nazirlik neft-qaz əməliyyatları zamanı torpağın üçt qatına vurulmuş ziyana görə iddia qaldırıb. Cərimənin həcmi 719,7 mln manat təşkil edirdi, lakin İqtisad Məhkəməsinin qərarı ilə şirkət vəsaitin ödənməsi əvəzinə ərazini təmizləməli idi.