Azərbaycan ən iri neft ehtiyatlarına görə dünyadakı 20 ölkədən biridir. Trend in məlumatına görə, İtaliyanın ENI konserninin hazırladığı statistik bülletendə bildirilir ki, bu siyahıda Azərbaycan 7 milyard barellik neft ehtiyatı ilə 18-ci yeri tutur.
Sənəddə göstərilir ki, Azərbaycan Omandan (5,506 mlrd barel) və Anqoladan (5,412 mlrd barel) geri qalır. ENI-nin məlumatlarına görə, Azərbaycanda neft ehtiyatlarının qiymətləndirilməsi 1993-cü ildən demək olar ki, 6 dəfə artıb. O zaman neft ehtiyatları 1,2 mlrd barel təşkil edirdi. ENI -nin siyahısına başçılıq edən ölkə 262 mlrd barel neft ehtiyatı ilə Səudiyyə Ərəbistanıdır.
ENI-nin məlumatlarına görə, Azərbaycan neft ehtiyatlarına görə Orta Asiyada ehtiyatları 9 mlrd barel dəyərləndirilən Qazaxıstandan sonra ikinci yeri tutur. Özbəkistanın, Türkmənistanın və Qırğızıstanın ehtiyatları müvafiq olaraq 0,594 mlrd barel, 0,546 mlrd barel və 0,40 mlrd barel təşkil edir.