Azərbaycan Dövlət Neft Şirkəti (AR DNŞ) Gürcüstanın Qara dənizdəki Batumi limanından mənfəət neftinin satışı üzrə tenderi bağlı elan edib. AR DNŞ-dən Trend ə verilən məlumata görə, tenderin qalibi Vitol SA treyderidir.
Vitol SA fevralın 21-22-də "Azəri-Çıraq-Günəşli" yataqlar blokundan hasil edilən 80 min ton (600 min barel) Azəri Light növlü neft yükləyəcək.
Batumi neft terminalı ildə 15 mln tonadək neft məhsulları daşıyır. Terminal 4 körpüdə Aframax sinfindən olan gəmilər də daxil olmaqla tutumu 30-90 min ton olan tankerlərə xidmət edir. Hazırda terminalın ehtiyat parkının
gücü təxminən 530 min tondur.