Almaniyalı alim Luts Metsin rəhbərliyi ilə Berlin Azad Universitetində "Xəzər bölgəsində enerji siyasəti" layihəsini araşdıran elmi-tədqiqat qrupu fevralın 2-3-də "Norveçin neft ölkəsi kimi sosial-iqtisadi və siyasi strategiyasının Xəzər regionunda tətbiqi imkanları" mövzusunda beynəlxalq tədbir keçirəcək.
Trend AzərTAc-a istinadən xəbər verir ki, Universitetin Xəzər bölgəsi dövlətləri arasında Azərbaycanla əməkdaşlığa üstünlük verməsi səbəbləri respublikamızın regionun neft, qaz və onların nəqli siyasətində oynadığı aparıcı rolu ilə bağlıdır. Bu səbəbdən Azərbaycanın Almaniyadakı səfirliyi tədbirin keçirilməsini dəstəkləmiş və səfir Pərviz Şahbazov tədbirin açılışında çıxış edəcək.
Tanınmış elmi-tədqiqat qurumlarının, Berlin universitetlərinin, eləcə də Bakı Dövlət Universitetinin mütəxəssislərinin iştirak edəcəyi tədbirdə Enerji və Ətraf Mühit Məsələləri üzrə Norveç İdarəçilik İnstitutu ekspertlərinin məruzələri dinləniləcək.
Almaniya KİI-lərinin nümayəndələri də elmi tədbirin işinə dəvət olunublar.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
