İlin I rübündə ARDNŞ-in "Bibiheybətneft" NQÇİ nəzərdə tutulan 30650 ton əvəzinə 31690 ton neft hasil edib. Bu barədə Trend ARDNŞ mətbuat xidmətinə istinadən bildirir.
2006-cı ilin ilk üç ayı ərzində işlənib hazırlanmış yataqlarda NQÇİ nəzərdə tutulan 4210 min kubmetr əvəzinə 4495 min kubmetr qaz hasil edib.
Mart ayında NQÇİ 10881 ton neft hasil edib. NQÇİ-nin işləyib hazırladığı yataqlarda gündəlik neft hasilatı 351 ton təşkil edib.
Ötən dövr ərzində bir qazılmış quyu istismara buraxılıb. Quyunun gündəlik debiti 4 tondur. Bundan başqa, dayanmış quyular fondundan üç quyu istismara verilib.