Azərbaycanın Dövlət Neft Şirkəti (ARDNŞ) iyun ayında Novorossiysk limanından 60 min ton Ural neftinin satışı üçün tenderi bağlayıb. Bu barədə Trend ə ARDNŞ-dən xəbər veriblər. Tenderin qalibi Glencore treyderi elan olunub. O, neft partiyasını limandan iyunun 29-30-da aparacaq.
Bu il Glencore tenderlərdə ARDNŞ-dən 265 min ton neft, Taurus Petroleum treyderi isə 140 min ton neft alıb.
ARDNŞ 2004-cü ildə göndərilmiş 2,559 milyon ton müqabilində 2005-ci ildə Novorossiysk limanından 1,631 milyon ton neft göndərib.
2005-ci ildə Glencore ARDNŞ-dən ən çox - 557 min ton Novorossiysk nefti alan şirkət olub, ikinci yerdə 464 min ton neft almış LUKoyl şirkətidir.
2006-cı ilin əvvəlindən ARDNŞ-dən Novorossiysk neft partiyalarını alan şirkətlər aşağıdakılardır:
Yanvar - Glencore (85 min ton);
Fevral - Taurus Petroleum (140 min ton);
Fevral - Glencore (60 min ton);
May - Glencore (60 min ton);
İyun - Glencore (60 min ton).