2006-cı ildə Azərbaycan 150 illik karbohidrogen hasilatı tarixində ilk dəfə rekord kəmiyyətdə neft hasil edib - 31 mln. ton. Trend xəbər verir ki, bu barədə bu gün Bakıda Azərbaycanın sənaye və energetika naziri Natiq Əliyev bildirib.
Onun sözlərinə görə, 2007-ci ildə Azərbaycanda neft hasilatı 50 mln. ton həcmində gözlənilir.
O bildirib: "2008-ci ildə bu həcm 67 mln. tona çatdırılacaq".
Nazirin sözlərinə görə, hər il karbohidrogen ixracatından Dövlət Neft Fonduna 5-6 mlrd. dollar gəlir gələcək.
Azərbaycanda neft hasilatı ilə ARDNŞ, Azərbaycan Beynəlxalq Əməliyyat Şirkəti və quru yataqlarda bəzi xarici şirkətlər məşğul olur.