Bu ilin əvvəlindən başlayaraq ARDNŞ-ın neft və qaz hasilatı üzrə "Azneft" istehsalat birliyi təmirdən sonra fəaliyyət göstərməyən fonddan fəaliyyət göstərən fonda 179 quyu keçirib. Trend ə bu barədə "Azneft" İB-nin baş direktoru Şahin İsmayılov bildirib.
Bu ilin 1 dekabrı üçün olan məlumatlara əsasən fəaliyyətdə olan quyuların fondu 4 789 təşkil edib. Bunlardan 68-i qaz quyusudur. İB-nin əsaslı təmir briqadaları tərəfindən 1332 əsaslı təmir işi aparılıb. Bu tədbirlər nəticəsində əlavə olaraq 484 min 907,4 tonn neft hasil edilib.
Bu ilin yanvar-noyabr aylarında Azərbaycan Dövlət Neft Şirkəti 66 quyunun qazıntısını başa çatdırıb. İstismara 55 quyu verilib. Qazılmış quyulardan 285 min 541 tonn neft hasil edilib.