...

Xarici şirkət gələcək PSA müqaviləsi üzrə danışıqların vaxtının uzadılması xahişi ilə ARDNŞ-ə müraciət edib

Energetika Materials 26 Dekabr 2006 13:23 (UTC +04:00)

Eurasia Energy Limited Azərbaycan Dövlət Neft Şirkətinə (ARDNŞ) "Ələt-Dəniz" böyük dəniz blokunun işlənməsi üçün PSA tipli müqavilənin bağlanması perspektivləri üzrə danışıqları davam etdirmək niyyəti barədə bildirib. ARDNŞ-dən Trend ə verilən xəbərə görə, Eurasia Energy 7 dekabr 2005-ci il tarixində imzalanmış "Qarşılıqlı anlaşma haqqında" memorandumun etibarlıq müddətini uzatmaq və gələcək müqavilə üzrə başlıca kommersiya prinsiplərini razılaşdırmaq istəyir.

Eurasia Energy şirkətini maraqlandıran bloka "Ələt-Dəniz", "Hamadağ-Dəniz", "Qarasu", "Səngi-Muğan", "Ülfət", "Aran -Dəniz", "Daşlı" və "Səbail" yataqları daxildir. "Blok" Bakıdan təxminən 70 km aralıda dayaz sulu sahil sularında yerləşib.

Ötən ilin dekabr ayında ARDNŞ-lə memorandum imzalandıqdan sonra tərəflər 7 dekabr 2006-cı il tarixinidək başlıca kommersiya prinsipləri üzrə razılığa gələ bilmədilər. Bununla əlaqədar Eurasia Energy sənədin etibarlıq müddətini uzatmaq istəyir.

Eurasia Energy artıq reabilitasiya və dəniz blokunun işlənməsi planının hazırlanması üçün tədqiqatları başa çatdırıb. Eurasia Energy bu layihə çərçivəsində neft injinirinqi üzrə məsləhətçi qismində TRACS International Consultancy Ltd. və Genesis Oil and Gas Consultants Ltd. şirkətlərini cəlb edib.

"Blok"da suyun dərinliyi əsasən 20 metr təşkil edir və maksimal olaraq strukturun sonunda 50 metr səviyyəsinə çatır. "Ələt-Dəniz" 1983-cü ildə açılıb və bu günə qədər burada 12,5 mln. barel neft və 1 mlrd. m3 qaz hasil olunub. ARDNŞ-in məlumatlarına görə, "Ələt-Dəniz"də qalan çıxarılacaq neft ehtiyatları 14 mln. barel neft və 1 mlrd. m3 qaz təşkil edir. Əsas məhsuldar laylar 3700-4500 metr dərinliyində yerləşir.

Xəbər lenti

Xəbər lenti