"Blombeg"ə istinadən Trend məlumat verir ki, Amerikanın ExxonMobil şirkəti "Azeri"-"Çıraq"-"Günəşli" layihəsinin dəyərini 12 milyard dollar məbləğində qiyəmtləndirib. Bu yaxınlarda müqavilə sahəsində hasilatın sutkada 465 min barellə çatdırılması nəzərdə tutulub.
"Azeri"-"Çıraq"-"Günəşli" layihəsi üzrə hasilatın işlənib-hazırlanması və pay bölgüsü üzə birgə müqavilə 1994-cü ilin sentyabrında imzalanıb. Müqavilənin fəaliyyət müddəti 30 ildir.
"Çıraq" yatağında hasilat 1997, "Mərkəzi Azəri" yatağında 2005, "Qərbi Azəri" yatağında 2006-cı ilin əvvəlində, "Şərqi Azəri" yatağında 2006-cı ilin sonunda başlanıb. "Günəşli" yatağının dərinsular hissəsində hasilat gələn ilin ortasında nəzərdə tutulub.
"AÇG" layihəsində müqavilənin iştirakçıları: BP (operator - 34,1faiz),Chevron (10,2 faiz), ARDNŞ (10 faiz), INPEX (10 faiz), Statoil (8,6 faiz), ExxonMobil (8 faiz), TPAO (6,8 faiz), Devon (5,6 faiz), ITOCHU (3,9 faiz) və Hess (2,7 faiz).