Azərbaycan Dövlət Neft Şirkətindən (ARDNŞ) Trend ə bildiriblər ki, şirkət fevral ayında "Türkan" perspektivli quru sahəsində iki kəşfiyyat quyusunun qazılmasına başlamaq niyyətindədir.
1950-ci illərdə bu sahədə artıq iki məhsuldar quyu qazılıb.
ARDNŞ nümayəndəsinin sözlərinə görə, bu işlərə hazırlıq artıq başlayıb.
Mənbə bildirib: "Quyulardan birini 3400 metr, digərini 4200 metr dərinliyində qazmaq nəzərdə tutulur".
Bu quyuda ilkin nəzərdə tutulan debit sutkada 40-50 tondur. Ehtiyatların qiymətləndirilməsi kəşfiyyat işləri başa çatdıqdan sonra olacaq.