Filippin Azərbaycan neftini almaq niyyətindədir. Belə bir niyyəti Azərbaycanın həmin ölkədəki səfiri İbrahim Hacıyevlə görüşdə hökumətin rəsmi nümayəndələri bildirib.
İ.Hacıyev Trend ə bildirib ki, Filippin tərəfi Azərbaycanla neft-qaz sahəsində əməkdaşlığa böyük maraq göstərir. Filippin tərəfinin bu niyyətini səfir Azərbaycan hökumətinə çatdırıb.
Səfir bildirib: "Əgər Azərbaycan təklifi müsbət qiymətləndirərsə, bu məsələ ikitərəfli səviyyədə danışıqların predmetini təşkil edə bilər".
Xatırladaq ki, İ.Hacıyev Azərbaycanın İndoneziyadakı səfiridir, bu ilin fevralından eyni zamanda Filippində səfirin vəzifələrini icra edir.