Gürcüstan, Tiflis/ Trend müxbir N.Kirçixaliya/ Azərbaycan şirkəti "SOCAR Energy Georgia" yaxın iki ildə Gürcüstan iqtisadiyyatına 20 mln. dollar sərmayə qoymaq niyyətindədir. Trend in xüsusi müxbirinin verdiyi məlumata görə, bu barədə şirkətin baş direktoru Mahir Məmmədov bu gün jurnalistlərə açıqlamasında bildirib.
O, bu gün Tiflisdə işə başlayan neft, qaz və energetika məsələlərinə həsr olunmuş "GIOGIE-2007" 6-cı beynəlxalq konfransın iştirakçısıdır. "Şeraton Metexi palas" otelində keçirilən ikigünlük konfransda neft-qaz çıxarılması və daşınması, energetika problemləri ilə bağlı məsələlər müzakirə olunacaq.
Məmmədovun sözlərinə görə bu vəsait hesabına 3 neft bazası, 25 yanacaqdoldurma məntəqəsi tikiləcək ki, bu müəssisələrdə də 500 nəfərin işlə təmin olunması nəzərdə tutulub.
Bundan əlavə, SOCAR Energy Georgia şirkətinin baş direktoru Kulevidə (Poti limanı yaxınlığında) neft terminalı alındığını bildirib. "Hazırda həmin terminal il ərzində 10 mln. ton neft emal etmək imkanındadır. Yaxın illərdə isə onun buraxılış gücü 15-20 mln. tona qədər artırılacaq. Bu da bizə dünya bazarında ciddi tədarükçü olmağa imkan yaradacaq",-deyə Məmmədov bildirib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
_100812.jpg)
.jpg)
