Gürcüstan, Tiflis/ Trend müxbir N.Kirçixaliya/ Nazir Qilauri neft, qaz, energetika və Gürcüstanın infrastrukturu "GIOGIE - 2007" 6-cı beynəlxalq konfransın gedişindən razıdır. Trend in xüsusi müxbiri xəbər verir ki, nazirin sözlərinə görə əsas diqqət energetika sahəsində olan məsələlərə yönəldilib.
"Bu konfrans artıq 6 ildir ki keçirilir və burda enerji təhlükəsizliyinə dair regional inkişaf məsələləri - "NABUCCO" qaz anbarının yaradılması və s. kimi məsələlər müzakirə olunur. Konfrans zamanı biz hazırkı və gələcək perspektivlərdən danışırıq",-deyə o, tədbirin keçirildiyi "Şeraton Metexi Palas" otelində jurnalistlərə bildirib.
Gürcüstanın Neft və Qaz Korporasiyasının rəhbəri Aleksandr Xetaqurinin sözlərinə görə, Konfransda enehrji ehtiyyatlarının Orta Asiyadan Gürcüstan vasitəsilə Avropaya daşınması üçün yeni qaz kəmərinin tikintisi ilə bağlı məsələ müzakirə olunacaq.
"Bakı-Tiflis-Ceyhan" və "Bakı-Tiflis-Qars" layihələri artıq mövcuddur. Konfransda Türkiyəni Avropa ilə birləşdirəcək kəmərin tikintisindən söhbət gedəcək",-deyə o bildirib.
Forumun işində 12 ölkədən təqribən 200 nümayəndə işltirak edir. Bunların sırasında əsasən neft-qaz şirkətlərinin rəhbərləri, beynəlxalq təşkilatların nümayəndələri və müvafiq nazirlik və idarələrin rəhbərləri var.
Tədbirdə eyni zamanda "BP Georgia", "SOCAR", "GOGC", "TRAO", "BOTAS", "KazTransGaz", "Statoil Azerbaijan", "Batumi Oil Terminal", "PricewaterhouseCoopers" "Millennium Challenge Georgian Fund", "EBRD", "WB", "Energy-Invest", "UEDC", AO "Telasi", "Georgian State Electrosystems" kimi şirkətlərin də təmsilçiləri iştirak edir.
Bununla yanaşı konfransda Gürcüstanın Enerji Tənzimlənməsi Milli Kommissiyasının, Neft və Qaz ehtiyyatlarının Tənzimlənməsi üzrə Dövlət Agentliyinin (SAROGR) nümayəndələri də iştirak edir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
