Azərbaycan, Bakı /müx. Trend / Azərbaycan Respublikası Dövlət Neft Şirkəti (ARDNŞ) Azeri Light markalı neftin Türkiyənin Ceyhan limanından göndərilməsi ilə bağlı tenderi qapalı elan edib. ARDNŞ-dən verilən məlumata görə, tenderin qalibi Böyük Britaniyanın treyderi Arcadia Petroleum Limited olub. Partiyanın həcmi 2 milyon barel (270 min ton) təşkil edəcək. BTC ilə Ceyhana çatdırılan bu neftin buradan yüklənib göndərilməsi mayın üçüncü dekadasına planlaşdırılır.
2007-ci ildə Ceyhandan ARDNŞ-in neftini aşağıdakı şirkətlər əldə edib:
Glencore Energy UK Ltd - yanvar (1 mln. barel);
VİLMA OİL S.L - yanvar - fevral (1 mln. barel);
Select Energy GmbH - fevral (600 min. barel);
Select Energy GmbH - fevral-mart (1 mln. barel);
Glencore Energy UK Ltd - mart (1 mln. barel);
Addax BV- mart (1 mln. barel);
Sumato Energy Group Ltd - aprel (1 mln. barel);
Select Energy GmbH - aprel (1 mln. barel);
Arcadia Petroleum Limited - may (2 mln. barel).