...

"Statoil Azerbaijan" 2007-ci ildə Azərbaycan qazının satış həcmini açıqlayıb

Energetika Materials 5 İyul 2007 14:20 (UTC +04:00)
"Statoil Azerbaijan" 2007-ci ildə Azərbaycan qazının satış həcmini açıqlayıb

Azərbaycan, Bakı/ Trend müxbir V.Şərifov/ İlin sonuna qədər Azərbaycanın "Şahdəniz" yatığından sutkalıq qaz ixracı 16,4 mln. kubmetr təşkil edəcək. Cümə axşamı Statoil Azerbaijan vitse-prezidenti Yan Xeuberq bildirib ki, Azərbaycan üçün sutkda orta hesabla 7, Gürcüstana 1, Türkiyəyə isə 8 mln. kubmetr qaz veriləcək. Bakı-Tbilisi-Ceyhan kəmərinin nasos stansiyalarına 0,3-0,4 mln. kubmetr qaz tədarük olunacaq.

Statoil Azerbaijan "Şahdəniz" layihəsində "Mərhələ-1" çərçivəsində kommersiya operatoru və Azərbaycan Qaz Satışı Şirkətinin (AGSC) rəhbəridir.

İyulun 3-dən etibarən Azərbaycan "Şahdəniz" yatağından Türkiyəyə qaz verilməsinə başlayıb. Qaz Cənubi Qafqaz qaz kəməri (SCP) ilə ötürülür.

"Bir neçə gün sonra Türkiyəyə qaz ixracı ilə bağlı vəziyyət tənzimlənəcək və ölkə bu il üçün müqavilə ilə nəzərdə tutulmuş tam həcmdə qazı almağa başlayacaq" - deyə o bildirib.

Xeuberqin söpzlərinə görə, 2008-ci ildə "Şahdəniz"dən Azərbaycana 3 mlrd. kubmetrə qədər qaz verilməsi nəzərdə tutulur.

O qeyd edib ki, "Şahdəniz" layihəsində "Mərhələ-1" çərçivəsində 2009-cu ildən başlayaraq qaz hasilatının pik səviyyəsində illik Azərbaycana 1,5 mlrd., Gürcüstana 0,8 mlrd., Türkiyəyə 6,6 mlrd. kubmetr qaz veriləcək.

Xəbər lenti

Xəbər lenti