Azərbaycan, Bakı, 03 dekabr Trend , müxbir H.Vəliyev/
Azərbaycanın internet provayderlərinin mövcud infrastukturları monitorinqlər keçirməyə və İnternet istifadəçiləri tərəfindən aparılan əməliyyatlar barədə məlumatları saxlamağa imkan verir, Azərbaycan İnternet cəmiyyətinin rəhbəri Qalib Qurbanov Trend -a deyib.
Qurbanovun sözlərinə görə, İnternet şəbəkəsində istifadəçilər və onların apardıqları əməliyyatlar haqda informasiyalar 6 ay ərzində Azərbaycanın internet provayderlərinin məlumat bazasında saxlanılır.
İnternet provayderləri hüquq-mühafizə orqanları ilə əməkdaşlıq etməyə hazırdırlar. İnternet provayderlərin məlumat bazası ya Azərbaycanın mövcud qanunvericiliyi əsasında, ya da məhkəmə qərarı üzrə hüquq-mühafizə orqanları vasitəsilə mümkün ola bilər.
Bir müddət əvvəl Azərbaycan kibercinayətkarlıqla mübarizə üzrə konvensiyaya qoşulub.