Gürcüstan, Tbilisi, 26 iyul /Trend, müxbir N.Kirsxaliya/
Azərbaycan və Gürcüstan telekommunikasiya sahəsində əməkdaşlıq edəcəklər. Gürcüstan Baş nazirinin müşaviri Vaxtanq Lejavanın bildirdiyinə görə, yaxın vaxtlarda Gürcüstan və Azərbaycan "Qərb-Şərq" transmilli informasiya supermagistralının layihəsinin yaradılması üzərində işə başlayacaqlar.
"Söhbət optik-volokon şəbəkəsinin Azərbaycan ərazisi vasitəsilə Qara dənizdən Xəzər dənizinədək salınmasından gedir", - Lejava jurnalistlərə bildirib.
Layihənin tərəflərə hansı məbləğə başa gələcəyi dəqiqləşdirilməyib, çünki layihənin son variantı hələ ki yoxdur.
Azərbaycanın "Qərb-Şərq" transmilli informasiya supermagistralının yaradılması üzrə təqdim etdiyi bəyanat, BMT-nin 66-cı plenar iclası çərçivəsində qəbul olunub. Təşkilat "informasiya kəsiyini", yoxsulluq səviyyəsinin azaldılmasını, iqtisadiyyatın rolunun yüksəldilməsini və regionun inkişafı üçün lokomativ rolu oynayacaq layihəni dəstəkləyib.
"Qərb-Şərq" layihəsi, ümumilikdə, 20 ölkəni birləşdirəcək və regionun inkiaşfı üçün mühüm rol oynayacaq. Layihənin həyata keçirilməsi Qərbi Avropa və Sakit okean hövzəsinə daxil olan ölkələr arasında "informasiya kəsiyi"ni aradan qaldırmağa imkan verəcək.