...

"Elektron hökumət" portalına Azərbaycanın 15 dövlət idarəsi qoşulub

Telekommunikasiya Materials 5 Dekabr 2011 16:57 (UTC +04:00)

Azərbaycan, Bakı, 5 dekabr /Trend, müxbir H.Vəliyev/

"Elektron hökumət" portalına Azərbaycanın 15 dövlət idarəsi qoşulub. Trend-in məlumatına görə, bu barədə bazar ertəsi jurnalistlərə Azərbaycan Rabitə və İnformasiya Texnologiyaları Nazirliyinin İnformasiya cəmiyyətinin inkişafı şöbəsinin müdiri İsbəndiyar Əliyev deyib.

"Digər dövlət idarələri artıq portala qoşulmaq üçün quruma müraciət ediblər və bu proses onların İT-infrastruktur hazırlıqları ölçüsündə mərhələli şəkildə həyata keçiriləcək", - Əliyev bildirib.

"Elektron hökumət" portalının (portal ehdis.az ünvanında olacaq) işə salınması 2012-ci ilin martında gözlənilir.

Hazırda portalda ümumilikdə 49 xidmət göstərən 10 dövlət idarəsinin elektron xidmətləri yerləşdirilib.

"Elektron hökumət" portalı vətəndaşlarla, dövlət və özəl sektorun müəssisələri ilə işi əlaqələndirən əsas alət olacaq.

"Elektron hökumət" portalının yaradılmasında mövcud informasiya bazalarını və müxtəlif platformalarda yaradılan sistemləri birləşdirəcək X-Road sisteminin prinsipindən istifadə olunacaq. X-Road sistemi müxtəlif dövlət təşkilatlarının məlumat bazalarını birləşdirməyə, əhaliyə kompozit xidmətlər göstərməyə, eləcə də "dövlət-vətəndaş" dialoqunun aparılması imkanı ilə interaktiv servisləri təqdim etməyə imkan verəcək.

İdarələrarası qarşılıqlı elektron fəaliyyət sistemi vətəndaşların bu və ya digər sənədləri dövlət idarələrinə (pasport qeydiyyatı şöbəsi, mənzil-kommunal təsərrüfat idarəsi və s.) getmədən almasını asanlaşdıracaq.

Xəbər lenti

Xəbər lenti