Azərbaycan, Bakı, 9 dekabr /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyinin "Bakı Telefon Rabitəsi" İB gələn il Bakıda keçiriləcək "Eurovision 2012" mahnı müsabiqəsinə hazırlıq üzrə təsdiqlənmiş planın həyata keçirilməsinə başlayıb. Trend-in məlumatına görə, bu barədə nazirliyin cümə günü yaydığı məlumatda deyilir.
"Əsas məqsəd həm şəhər, həm də regional telekommunikasiya infrastrukturlarının təkmilləşdirilməsidir ki, bu da alternativ rabitənin yaradılmasını nəzərdə tutur", - məlumatda qeyd olunur.
Tədbirlər planına üç istiqamətdə (Aztelekom İB-nin şəbəkəsi, Gəncə şəhəri və İctimai Televiziyanın ofisi istiqamətində) rabitə kanallarının təşkili və son nöqtələrin zəruri avadanlıqlarla təmin olunması daxildir.
Kanallar STM-1 səviyyəsində qurulacaq.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
