...

"Azercell" məzun yarmarkasında iştirak edib

Telekommunikasiya Materials 20 İyun 2012 15:17 (UTC +04:00)
Bu gün Azərbaycan Dövlət İqtisad Universitetində (ADİU) məzun yarmarkası keçirilib. Azərbaycan Respublikasının Milli Qurtuluş Gününə həsr olunan bu tədbirdə 100-ə yaxın şirkət, holdinq və bank təmsil olunub.
"Azercell" məzun yarmarkasında iştirak edib

Azərbaycan, Bakı, 20 iyun /Trend/

Bu gün Azərbaycan Dövlət İqtisad Universitetində (ADİU) məzun yarmarkası keçirilib. Azərbaycan Respublikasının Milli Qurtuluş Gününə həsr olunan bu tədbirdə 100-ə yaxın şirkət, holdinq və bank təmsil olunub.

Azərbaycan Dövlət İqtisad Universiteti artıq altıncı ildir ki, ardıcıl olaraq məzunlar üçün belə tədbir təşkil edir. Burada ADİU ilə yanaşı, digər ali təhsil müəssisələrinin tələbə və məzunları da iştirak edirlər. Tədbirin keçirilməsinin əsas məqsədi istedadlı gənclərin karyera qurmasına, ilk iş yerini tapmasına yardımçı olmaqdır.

Hər dəfə olduğu kimi bu il də "Azercell Telekom" MMC məzun yarmarkasında fəal iştirak edib. Şirkətdən çərşənbə günü Trend-ə verilən məlumata görə, əmək sərgisində Azercell-in ayrıca stendi nümayiş etdirilib. Şirkətin nümayəndələri Azercell-də işə qəbul olunmaq arzusunda olan məzunlar üçün informasiya sessiyaları təşkil ediblər. Yarmarka iştirakçılarının çoxsaylı sualları cavablandırılıb, bu şirkətdə karyera qurmaq istəyində olan gənclərə məsləhətlər verilib. Universitet məzunlarına Azercell-də vakant yerlər haqqında da məlumat verilib.

Qeyd edək ki, yarmarka Azərbaycan Gənclər və İdman Nazirliyinin dəstəyi ilə baş tutub. Ümumilikdə, toplantı iştirakçılarına özəl sektorda karyera qurulması üçün vacib olan mövzular haqqında informasiya verilib.

İyunun 22-də isə "Azercell Telekom" Qafqaz Universitetində tələbə və məzunlar üçün düzənlənən əmək yarmarkasında da iştirak edəcək. "Karyerada ilk addım" şuarı altında baş tutacaq bu mərasimdə 100-ə yaxın şirkət, dövlət və özəl qurumlarının təmsil olunacağı gözlənilir.

"Azercell" təmsilçiləri iş axtaran gənclərə karyera qurmaq istiqamətində yardım edəcək, onları maraqlandıran sualları cavablandıracaqlar. Azercell-in stendində şirkətin iş prinsipləri, kadr seçimində üstünlük verilən meyarlar haqqında informasiyalar yer alacaq. Burada, həmçinin Azercell-də tələbə və məzunlar üçün yaradılan imkanlar, gənclərin inkişafına yönələn proqram və layihələr haqqında da məlumat almaq mümkün olacaq.

"Azercell Telekom" MMC öz fəaliyyəti boyunca daim gənclərin inkişafına yönələn layihələr həyata keçirir. Azercell-in təşəbbüsü ilə istedadlı tələbələr üçün "Barama" proqramı reallaşdırılır. Bundan əlavə, artıq neçə illərdir ki, şirkətin elan etdiyi Təqaüd Proqramı çərçivəsində Azərbaycanın ali təhsil müəssisələrində təhsil alan qabiliyyətli gənclərimiz Azercell-dən əlavə təqaüd alırlar. Həmçinin, "Azercell" aparıcı universitetlərlə əməkdaşlıq edir, bu təhsil ocaqlarının maddi-texniki bazasının gücləndirilməsinə yardım göstərir. Məhz Azercell-in təşəbbüsü və dəstəyi ilə Qafqaz Universitetində ilk dəfə olaraq 4G laboratoriyası quraşdırılıb. "Azercell" bacarıqlı gənclərin uğurlu karyera qurması üçün öz dəstəyini heç vaxt əsirgəmir.

Xəbər lenti

Xəbər lenti