Azərbaycan, Bakı, 9 oktyabr /Trend, müxbir H.Vəliyev/
Naxçıvan Muxtar Respublikasının (NMR) "Naxtel" CDMA simsiz rabitə operatoru simsiz rabitə xidmətləri üzrə tarifləri aşağı salır. Bu barədə çərşənbə axşamı Trend-ə NMR-in Rabitə və İnformasiya Texnologiyaları Nazirliyindən bildiriblər.
Nazirliyin məlumatına görə, noyabrın 1-dən aylıq abunə haqqı 5 manatdan 3 manata endiriləcək.
Operatorun şəbəkədaxili nömrələrinə zənglər pulsuz həyata keçirilir, digər operatorların stasionar nömrələrinə zənglər zamanı 1 dəqiqə danışıq haqqı 1 qəpiyə başa gəlir.
"Naxtel" hazırda NMR-in 85 faiz ərazisini əhatə edir. Operatorun abunəçi bazası 7 minə çatır. Operatorun şəbəkəsindəki baza stansiyalarının sayı 20 ədədi ötür.