Azərbaycan, Bakı, 4 aprel /Trend, müxbir A. Axundov/
30-a qədər turizm şirkəti Azərbayacana xarici turistlərin gəlməsi üçün elektron vizanın verilməsi imkanı əldə edib.
Trend-in məlumatına görə, bu barədə cümə axşamı mədəniyyət və turizm naziri Əbülfəs Qarayev jurnalistlərə açıqlamasında bildirib.
"Vizaların internet vaistəsilə verilməsi xidməti artıq istifadəyə veilib. Biz 30-a qədər şirkət seçdik, onların lisenziyalaşdırmasını həyatakeçirdik, həmçinin onlar üçün xüsusi kursları təşkil etdik", - Qarayev bildirib.
Bundan sonra Azərbaycana gəlmək istəyən turistlər viza almaq üçün öz sənədlərini internet vasitəsilə təqdim edə və rüsumları ödəyə bilərlər.
"Bu, Azərbaycana turist axının artmasına səbəb olacaq", - Qarayev bildirib.