Azərbaycan, Bakı, 29 aprel /Trend/
Hər zaman öz abunəçilərini sərfəli danışıq tarifləri ilə sevindirən "Nar Mobile" "Zero" (sıfır) tarifini təqdim etməkdə davam edir.
Şirkətdən bazar ertəsi Trend-ə verilən məlumata görə, artıq "Zero" tarifinə qoşulan abunəçi kiçik bağlantı haqqı ödəyərək, şəbəkədaxili səsli və videozənglər zamanı ilk 3 dəqiqəni 0 (sıfır) qəpiyə danışa biləcək. 4-cü dəqiqədən başlayaraq isə hər növbəti dəqiqə üçün danışıq haqqı 4 qəpikdir.
Bu tarifə qoşulan abunəçi, həmçinin iki sevimli Nar nömrəsinə 50% endirimlə zəng edə bilər. Sevimli nömrələrə zəng zamanı ilk 3 dəqiqə üçün 4 qəpik, 4-cü dəqiqədən etibarən isə hər dəqiqə üçün 2 qəpik ödəyəcək. Abunəçi "Zero" tarifinə qoşulmaq üçün "0" yazıb 777 qısa nömrəsinə mesaj göndərməli və ya *777#000#Yes yığmalıdır.
Bundan başqa, "Zero" tarifində zəng, mesaj və data xidmətləri üçün digər qiymətlər də təklif olunur. Daha ətraflı məlumatı http://narmobile.az/private/tarifplan/0/ veb-səhifəsindən əldə edə bilərsiniz.