Azərbaycan, Bakı, 2 oktyabr /Trend/
"Nar Mobile" mobil operatoru öz tərəfdaşı "Irshad Electronics" ilə birlikdə yeni kampaniyaya start verir.
"Nar Mobile"dan Trend-ə verilən məlumata görə, 1-31 oktyabr 2014-cü il tarixləri arasında davam edəcək kampaniyaya əsasən, hər bir kəs ayda cəmi 10 AZN ödəməklə "Irshad Electronics" mağazalarından 18 aylıq faizsiz kredit əsasında "Nokia Lumia 525" smartfonu əldə edə biləcək.
İçində "Nar" nömrəsi olan bu smartfonu əldə etmiş bütün abunəçilər 6 ay ərzində öz balanslarını artıraraq 100 AZN dəyərində şəbəkədaxili danışıq və 600 MB internet trafiki hədiyyə qazanacaqlar. Beləliklə, "Nokia Lumia 525" əldə etmiş abunəçilər 18 ay ərzində bu smartfon üçün faizsiz kreditlə ödəyəcəkləri məbləğin tən yarısını 6 ay müddətində mobil operatordan bonus şəklində geri ala biləcəklər.
Daha ətraflı məlumat üçün: https://www.narmobile.az/az/pages/default/pageName=campaigns_catalog&id=642/
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
