...

Azərbaycan elmi araşdırmalarda kitabxana resurslarından istifadə imkanlarını öyrənir

Telekommunikasiya Materials 30 Noyabr 2015 14:06 (UTC +04:00)
Azərbaycanın təhsil müəssisələri elmi araşdırmalar aparmaq üçün arxivlərdən və kitabxanalardan istifadə etmək məqsədilə geniş səlahiyyətlər əldə etməlidir.
Azərbaycan elmi araşdırmalarda kitabxana resurslarından istifadə imkanlarını öyrənir

Bakı. Hüseyn Vəliyev - Trend:

Azərbaycanın təhsil müəssisələri elmi araşdırmalar aparmaq üçün arxivlərdən və kitabxanalardan istifadə etmək məqsədilə geniş səlahiyyətlər əldə etməlidir.

Trend-in məlumatına görə, bunu jurnalistlərə Müəllif Hüquqları Agentliyinin rəhbəri Kamran İmanov bu gün Bakıda keçirilən "Arxivlər, kitabxanalar və təhsil müəssisələri üçün istisnalar və məhdudiyyətlər" mövzusunda beynəlxalq seminarda deyib.

Onun sözlərinə görə, kitabxanalar ildən-ilə daha da müasirləşir: "Getdikcə elektron formatda vəsaitlər daha çox yaranır. Məsələn, təkcə "Europeana" kitabxanasında 25 milyon kitab elektron formada təqdim edilib, 2025-ci ilədək Avropanın bütün mədəni irsi rəqəmsallaşdırılacaq. Bu işlər Azərbaycanda da sürətli templə aparılır. Azərbaycanda 3 mindən çox kitabxana fəaliyyət göstərir. Təkcə ölkənin milli kitabxanasında təqribən 600 min oxucu var, onların arasında virtual oxucular da mövcuddur. Bu olduqca ciddi rəqəmdir".

Məqalədə:
Xəbər lenti

Xəbər lenti