Bakı. Trend:
Rəqəmsal İnkişaf və Nəqliyyat Nazirliyi 2022-ci ildən "Aztelekom" və "Baktelecom"la birgə Bakıda və regionlarda internet infrastrukturunun yaradılmasına investisiya qoymağa başlayıb.
Trend-in məlumatına görə, bunu rəqəmsal inkişaf və nəqliyyat naziri Rəşad Nəbiyev “Rəqəmsal sahibkarlıq və perspektiv imkanlar” mövzusunda konfransda deyib.
Onun sözlərinə görə, 2024-cü ilin sonunadək Azərbaycanın bütün ərazisi yüksəksürətli internetlə təmin ediləcək.
"Bu infrastrukturun yaradılmasına investisiyalar dövlət-özəl tərəfdaşlığı çərçivəsində həm nazirliyimiz tərəfindən, həm də "Aztelekom" və "Baktelecom" vəsaitləri hesabına qoyulur", - deyə nazir bildirib.
(Tərcümə: Orxan Nəbiyev)