Bakcell Azərbaycan-İsrail birgə müəssisəsi yaxın vaxtlarda Naxçıvan Muxtar Respublikasında fəaliyyətə başlayacaq. Bu barədə Trend ə NMR-nın Bakıdakı daimi nümayəndəliyindən məlumat verilib.
Hazırda bu istiqamətdə işlər aparılır. Bu qərar fevralın 20-də keçirilmiş Ali Sovetin sessiyasında NMR ərazisinə 2-ci mobil operatorunun cəlb olunması üzrə tədbirlərin gücləndirilməsi zəruriliyinin xüsusilə qeyd olunması ilə əlaqədar qəbul edilib.
Nümayəndəlikdən bildirilib ki, martın 1-dən tətbiq olunan CDMA texnologiyası nəzərə alınmamaqla, hazırda Azərcell BM NMR-da yeganə mobil rabitə operatorudur. NMR ərazisinin 80-85%-ni əhatə edən Azərcell 25 mindən çox abunəçiyə xidmət edir.