Azərpocht DM dövlət başçısının "Bakı qəsəbələrinin sosial-iqtisadi inkişafının sürətləndirilməsi üzrə tədbirlər Proqramı"nın təsdiq edilməsinə dair sərəncamı çərçivəsində 8 yeni poçt şöbəsi obyektini istismara vermək niyyətindədir. DM-də Trend ə bildirilib ki, hazırda bu istiqamətdə tədbirlər planı hazırlanıb.
Obyektlər Suraxanı, Sabunçu, Qaradağ və Əzizbəyov rayonları ərazisində istismara veriləcək.
Dövlət strukturunda qeyd olunub ki, ümumiyyətlə, "Bakı qəsəbələrinin sosial-iqtisadi inkişafının sürətləndirilməsi üzrə tədbirlər Proqramı"na əsasən 26 yeni obyekt üzrə işlər aparılacaq.
"İşlərin yaxın vaxtlarda tikinti üçün müvafiq vəsaitlər alındıqdan sonra başlanılması planlaşdırılır" -deyə DM-də bildirilib.
Martın 17-də Goradil qəsəbəsində (Bakı ətrafı) müasir avadanlıqla təchiz olunmuş yeni poçt şöbəsi istismara verilib.