"2006-cı ilin yanvar-may aylarında Azərbaycanda rabitə sahəsində 186,4 mln. manat həcmində xidmət göstərilib ki, bu da ötən ilin müvafiq dövri ilə müqayisədə 24% çoxdur. Bu barədə Trend agentliyi Dövlət Statistika Komitəsinə istinadən xəbər verib.
Bu xidmətin 24,2 %-ı dövlət, 75,8 %-i özəl müəssisələri tərəfindən göstərilib. Artım müvafiq olaraq 11% və 29 % təşkil edib. Ümumi həcmin 78,1% -i əhaliyə göstərilmiş xidmətlərdir.
Rabitə sahəsində əldə olunmuş gəlirin 68,5%-i mobil telefon xidməti göstərən şirkətlərin payına düşüb. Bu xidmətlərin həcmi 28,6% artaraq 127,6 mln. manata çatıb.
Azərbaycanın regionlarında da xeyli artım müşahidə olunur. Telekommunikasiya xidmətlərinin həcmi Abşeron iqtisadi zonası - 9,1%, Quba-Xaçmaz - 15,4%, Şirvan - 11,5%, Şəki-Zaqatala - 35,1%, Gəncə- Qazax - 19,7%, Naxçıvan - 14,3%, Lənkəran - 16,8%, Aran -20,7% artıb.
Milli Bankın məlumatına əsasən, 16.06.06 tarixinə dolların manata nisbətdə rəsmi məzənnəsi 0,8963 AZY təşkil edib.