Azərbaycan, Bakı /müx. Trend S.Babayeva/ Azərbaycanın kompüter istehsalı üzrə KÜR zavodu 2007-ci ildə satış həcmini artırmağı planlaşdırır. Bu barədə "Respublika" qəzetinə müəssisənin baş direktoru Rizvan Osmanov məlumat verib.
Onun sözlərinə görə, satış zavodun regional mərkəzləri hesabına artırılacaq. 2007-ci ilin birinci rübündə respublikanın 9 şəhərində 11 satış məntəqəsi fəaliyyətə başlayıb. İlin axırına kimi onların sayı artırılacaq. Belə məntəqələrin vasitəsilə kompüter satışı 30 faizi gerçəkləşdiriləcək.
2005-ci ildə müəssisə tərəfindən 4350 kompüter, 2006-cı ildə isə 11930 kompüter istehsal olunub. 2005-ci illə müqayisədə 2006-cı ildə satış həcmi korporativ müştərilər hesabına 2,7 dəfə artıb.
KÜR zavodu birgə müəssisə kimi fəaliyyət göstərir. Burada böyük iştirak payı Rabitə Nazirliyinə və yerli "Sinam" şirkətinə məxsusdur.