Azərbaycan, Bakı, 7 fevral /Trend, müxbir E.İsmayılov/
Bakı Metropoliteni sərnişinlərin avtomatik buraxılış sistemi üçün plastik kartların satın alınması üzrə tender elan edib. Trend-in məlumatına görə, bu barədə cümə axşamı "Respublika" qəzetində dərc olunmuş məlumatda deyilir.
Tenderdə iştirak etmək arzusunda olanlar iştirak barədə ərizə və başqa sənədləri bu il martın 15-dək təqdim etməlidirlər. Tender təklifləri və bank zəmanəti isə aprelin 1-dək təqdim olunmalıdır. Tenderdə iştirakın dəyəri 200 manat təşkil edir.
Tender təklifləri zərfinin açılışı aprelin 2-də Bakı şəh., H.Cavid prospekti, 33 ünvanında keçiriləcək.
Əlavə məlumat üçün:
Əlaqələndirici şəxs: Etibar İsayev
Tel.: (+994 12) 490 00 31
Теl./Faks: (+994 12) 510 97 03