Azərbaycan, Bakı / Trend müxbir D.Xatınoğlu/ Bəhreyn rəsmiləri ölkəni Iran-ABŞ arasında ehtimal olunan müharibədə raket hücumlarından qorumaq məqsədilə Raket Əleyhinə Müdafiə Sistemi (RƏMS) qurulacağı barədə bildirib .
İranın İSNA agentliyinin verdiyi məlumata əsasən, Bəhreyn RƏMS yaradılmasının İranın nüvə fəaliyyətləri ilə əlaqədar olmadığını bildirib. Bəhreyn Parlamentinin Təhlükəsizlik Şurası və Müdafiə üzrə Xarici Əlaqələr Komitəsinin rəhbəri şeyx Adel əl-Məuda bildirib ki, RƏMS-in qurulması milli təhlükəsizlik məqsədi daşıyır və İranın əleyhinə deyil. əl-Məuda əlavə edib ki, bu plan ölkənin ABŞ-İran arasında ehtimal olunan hücumundan qorunması məqsədilə düşünülüb.
Amerikanin Hərbi Dəniz Qüvvələrinin 5-ci hərbi gəmisi hazırda Bəhreyndə yerləşir. Bəhreyn RƏMS-in qurulması üçün 43.6 milyon dollar vəsait ayırıb və sistemin qurulması "Lakhid Martin" hərbi şirkətinə tapşırılıb. Qurulacaq RƏMS atılmış çox sayda raketi eyni zamanda zərərləşdirmək qabiliyyətinə malik olacaq.