Rusiya İran-Ermənistan dəmiryolu layihəsinin həyata keçirilməsində iştirak edəcək. Bu barədə İran televiziyası məlumat yayıb.
"İran-Ermənistan dəmiryolu layihəsi üzərində hazırda iş gedir və rəsmi Moskva bu layihənin icrasında iştirak etməyə hazır olduğunu bildirib", - deyə Ermənistan və Rusiya parlamentlərarası komissiyanın sədri Aram Safaryan çərşənbə axşamı jurnalistlərə bildirib.
Safaryan cari həftənin əvvəlində Moskvada keçirilən Ermənistan-Rusiya parlamentlərarası komissiyaının 16-cı iclasında iki ölkə arasında əməkdaşlığın inkişaf etdirilməsi haqda müzakirələrin olduğunu bildirib.
O, əlavə edib ki, Rusiya 2011-ci ildə tikiləcək nüvə elektrik stansiyasına da sərmayə yatıracaq.