Bazar günü Pakistanın şərq vilayəti olan Pəncabın Çakval (Chakwal) şəhərində yerləşən məsciddə partlayış baş verib. Al Jazeera telekanalının yaydığı məlumata görə, ölənlərin sayı 40-a, yaralananların isə 120 nəfərə çatıb.
Bir müddət öncə 30 nəfərin həlak olduğu barədə məlumatlar yayılmışdır.
Xəbərə əsasən terrorçu-kamikadze məscidə daxil olan zaman özünü partladıb. Partlayış zamanı məsciddə iki minə yaxın adam var idi.
İTAR-TASS agentliyinin yerli KİV-ə istinadən yaydığı məlumata görə, zərəçəkənlərə təcili tibbi yardım göstərilir. Onların bəzilərinin durumu kritik kimi dəyərləndirilir.
Hələlik Pakistanda fəaliyyət göstərən ekstremist qruplaşmaların heç biri baş verənlərə görə öz üzərinə məsuliyyəti götürməyib.