Azı 68 nəfər Banqkokda müxalifətçilərlə ordu arasında baş verən toqquşmalarda yaralanıb. Bu haqda bazar ertəsi Frans Press agentliyi məlumat yayıb. Xəbərə görə, iki nəfər güllə yarası alıb.
Təcili tibbi yardım xidmətinin nümayəndəsi müxalifətə yaxın radiostansiyanın beş ya altı nəfərin həlak olması haqda yaydığı məlumatları təsdiq etməyib.
Hərbçilər şəhərin əsas küçəsindən nümayişçiləri çıxarmağa çalışırlar. Nümayişçilər geri çəkilməyə məcbur olurlar.
Kütləvi nümayişlər üzündən aprelin 10-da Pattaya şəhərində keçirilməsi nəzərdə tutulan ASEAN sammiti təxirə salınıb.