Qırğızıstan prezidenti postuna müxalifətdən olan yeganə namizəd Almazbek Atambayev bildirib ki, bu vəzifəyə gələcəyi təqdirdə dövlət başçısının səlahiyyətlərini azaldacaq. Bu barədə CA-NEWS xəbər yayıb.
"Mən prezident olaramsa, onun səlahiyyətlərini azaldacağam", - o bildirib və Kurmanbek Bakiyevin ailəvi idarəçiliyini tənqidə məruz qoyub.
Bu gün birləşmiş müxalifətin qurultayında çıxış edən namizəd Atambayev iştirakçılardan xeyir-dua istəyib.
"Mən sizdən xeyir-dua istəyirəm. Mən sizin etimadınızı doğruldacağam", - o bildirib.
Qurultay iştirakçıları Atambayev və İsmayıl İsakovun namizədliklərini yekdilliklə dəstəkləyiblər.
Üçüncü qurultay öz işini başa çatdırıb. Nahar, konsert və idman oyunları daxil olmaqla bayram hissəsi başlayıb.