Qırğızıstanın hazırkı Prezidenti Kurmanbek Bakiyev ikinci dəfə dövlət başçısı seçilib. O, iyulun 23-də keçirilən prezident seçkilərində səslərin 76,4 faizini toplayıb. Bu barədə Mərkəzi Seçki Komissiyasının üzvü Toktoqul Sultakeyev bildirib.
Seçkilər və Referendumun keçirilməsi üzrə Mərkəzi Seçki Komissiyası bazar ertəsi seçkilərin rəsmi nəticələrini elan edib.
"Kurmanbek Bakiyevə 1 milyon 700 mindən çox seçici səs verib ki, bu da seçicilərin 76,43%-ni təşkil edir", - Sultakeyev bildirib.