İran Ermənistana, Armavir şəhərində tikilən atom stansiyası üçün nüvə yanacağı verməyə hazırdır. "Tehran Times" qəzetinin rəsmi saytının məlumatına görə, bunu bazar günü Qərbi Azərbaycan vilayətinin qubernatoru Rahim Qorbani deyib.
"Nüvənin zənginləşdirilməsi üzrə texnologiyanın təkmilləşməsini nəzərə alan İran İslam Respublikası qonşu ölkələrə nüvə yanacağı verməyə hazırdır", - Qorbani Urmiya şəhərində Armavir qubernatoru ilə görüşündə deyib.
O həmçinin qeyd edib ki, İranın Qərbi Azərbaycan vilayətində çox sayda erməninin yaşaması faktı iki ölkə arasında əlaqələrin inkişafına fayda verə bilər.