İran Silahlı Qüvvələrinin Baş Qərargah rəisi general Həsən Firuzabadi bildirib ki, Obama özündən əvvəlkilər kimi müxalifətin yanlış məlumatlarına aldanmamalı və İranla bağlı yaranmış fürsəti əldən verməməlidir. Bu barədə Trend İranın İRNA xəbər agentliyinə istinadən məlumat yayıb.
Firuzabadi əlavə edib ki, ABŞ hökumətində bəzi nüfuzlu şəxslər Obamanın "dəyişiklik" şüarının mahiyyətinin itirilməsinə səbəb oldu. "Obama hökuməti dəyişiklik şüarı səsləndirsə də, hazırkı göstəricilər heç bir dəyişikliyin olmadığını göstərir", - Firuzabadi deyib.