Tehran şəhər baş prokurorluğundan bildirilib ki, İran İslam İnqilabı dəyərlərinə hörmətsizlik edənlərin məhkəməsi yanvarın 3-5-dək Tehran İnqilab Məhkəməsində keçiriləcək. Bu barədə Trend İran televiziyasının rəsmi xəbər saytı İRİBNEWS-a istinadən məlumat yayıb.
Tehran şəhər baş prokurorluğunun mətbuat xidmətinin məlumatında həbs olunan şəxslər "hörmətsizlik edənlər" adlandırılıb və bildirilib ki, həbs edilən 7 nəfər barəsində cinayət işi məhkəməyə göndərilib.
Məlumatda həmçinin bildirilir ki, "Aşura günü qeri-qanuni hərəkət edənlər"dən bir neçəsinin cinayət işi yaxın günlərdə məhkəməyə göndəriləcək. "Aşura günü baş verən hadisələrlə bağlı həbs olunanların işi qısa müddətdə sona çatacaq və məhkəməyə göndəriləcək", - məlumatda deyilir.
Dekabrın 27-də Tehranda Aşura günü müxalifət tərəfdaşları ilə polis arasında qarşıdurma baş verib. İran polisinin rəsmi xəbər saytında yayılan məlumatda bildirilir ki, 8 nəfər həlak olub, onlardan yeddisi kişi, biri isə qadındır. Onların adları da açıqlanıb. Həmin hadisələrdə 300 nəfər həbs olunub.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
