Qondarma "erməni soyqırımı"nın tanınmasına dair qanun layihəsi Böyük Britaniya Parlamenti tərəfindən qəbul olunmayacaq. Bunu Böyük Britaniyanın ədliyyə naziri Cek Stro Türkiyənin Baş naziri Rəcəb Tayyib Ərdoğanın da iştirak etdiyi rəsmi nahar zamanı deyib. Məlumatı CNN Turk yayıb.
Stronun sözlərinə görə, qanun layihəsini İcmalar Palatasının (Britaniya Parlamentinin Aşağı Palatası) yalnız bir deputatı dəstəkləyir.
"Bu qanun layihəsini nə Böyük Britaniya hökuməti, nə də müxalifət dəstəkləmir. Mən bu məsələyə zəmanət verirəm. Qanun layihəsinin qəbuloluma ehtimalı sıfra bərabərdir", - Stro vurğulayıb.