İranın xarici işlər naziri Mənuçöhr Müttəki sabah Əlcəzair Xalq Demokratik Respublikasına səfər edəcək. Bu barədə Trend İranın FARS xəbər agentliyinə istinadən məlumat yayıb.
"Müttəki ikitərəfli əlaqələrin inkişaf etdirilməsi və iki ölkənin müştərək ali komitəsinin birinci iclasına hazırlıq işlərinin görülməsi məqsədi ilə sabah Əlcəzairə birgünlük səfər edəcək", - İran XİN-in mətbuat xidmətinin rəhbəri Ramin Mehmanpərəst deyib.
Mehmanpərəst əlavə edib ki, İran-Əlcəzair müştərək ali komitəsinin birinci iclası yaxın gələcəkdə Tehranda keçiriləcək.