İran Parlamentinin spikeri Əli Laricani mayın 9-da Türkiyəyə səfər edəcək. Məlumatı İranın "parlemannews" saytı yayıb.
Üçgünlük səfər çərçivəsində Laricani Ankarada keçiriləcək İslam Konfransı Təşkilatının Parlament İttifaqının iclasında iştirak edəcək və Türkiyə rəsmiləri ilə ikitərəfli danışıqlar aparacaq.
Müzakirənin əsas mövzusu İsrailin Qüdsdə (Yerusəlim) yəhudi binaları tikməsi ilə bağlı olacaq. İclasda Türkiyə, İran, Suriya, İndoneziya, Uqanda, Səudiyyə Ərəbistanı, Kamerun, Burkino-Fasonun parlament spikerləri iştirak edəcək.