Azərbaycan, Bakı, 30 iyun/Trend/
İyunun 17-də Yerevanın "Arsnakar" restoranında döyülən Ermənistan Silahlı Qüvvələrinin (SQ) 35 yaşlı mayoru, Yerevan hərbi qarnizonu xəstəxanasının LOR şöbəsinin müdiri Vaqe Avetyan ölüb. Trend-in məlumatına görə, bu barədə Ermənistan Müdafiə Nazirliyinin İnformasiya və ictimaiyyətlə əlaqələr idarəsindən Tert.am-a bildiriblər.
Məlumata əsasən, Avetyan yerli vaxtla saat 19:00-da vəfat edib.
Bu gün Maştotsa prospektindəki Yerevan parkında Avetyanın xatirəsinə həsr edilmiş vida aksiyası keçiriləcək.
Xatırladaq ki, iyunun 17-də Ermənistan Futbol Federasiyasının prezidenti Ruben Ayrapetyana məxsus "Arsnakar" restoranında mühafizə xidmətinin 29 əməkdaşı Avetyanı, həkim Artak Bayadyanı və baş leytenant Qarik Soqomyanı döyüb.