Azərbaycan, Bakı, 16 avqust / Trend, müxbir A.Tağıyeva /
Suriyanın Türkiyə ilə sərhəddə yerləşən Əazaz şəhərində hökumət qoşunları tərəfindən yüzdən artıq insan qətlə yetirilib. Trend-in məlumatına görə, bu barədə "Əl-Ərəbiyyə" telekanalı məlumat verilib.
Həmçinin 150 nəfərin yaralandığı xəbər verilir. Şəhər hökumət qüvvələri tərəfindən aviauçuşlara və atəşə məruz qalıb.
Türkiyənin "Yeni Şəfəq" qəzetinin məlumatına görə, 86-ya yaxın yaralı Türkiyənin Kilis şəhərində xəstəxanaya yerləşdirilib və onlara ilk tibbi yardım göstərilib. Lakin 13 suriyalının həyatını xilas etmək mümkün olmayıb. Onlar aldıqları yaralardan vəfat ediblər.