Azərbaycan, Bakı, 6 fevral /Trend/
"Mən əleyhinəyəm" vətəndaş hərəkatı bu gün Yerevanda icbari pensiya yığım sisteminə qarşı etiraz yürüşü keçirir.
Trend-in cümə axşamı tert.am-a istinadən verdiyi məlumata görə, aksiya iştirakçıları "Pensiya yığımları haqqında" qanunun bəzi müddəalarının fəaliyyətini dayandıran Konstitusiya Məhkəməsinin qərarını icra etməyi tələb edirlər.
Onların digər tələbi isə dövlət qurumlarında çalışanları əməkhaqlarından yığım fondlarına məcburi ödəniş etməyə sövq etməməkdir.
Qeyd edək ki, 2014-cü il yanvarın 1-də Ermənistanda pensiya yığım sisteminin icbari komponenti tətbiq edilib.